РусскийКЫРГЫЗ РЕСПУБЛИКАСЫНЫН СОЦИАЛДЫК ФОНДУНУН КЫЗМАТКЕРИНЕ КОРРУПЦИЯГА КАРШЫ ЖҮРҮМ-ТУРУМ СТАНДАРТТАРЫН САКТОО БОЮНЧА ЭСКЕРТМЕ
Коррупцияга каршы жүрүм-турумдун негизги эрежелери
Стандарттарды сактоо — ар бир кызматкердин милдети
Социалдык фонддун кызматкерлеринин коррупцияга каршы жүрүм-турум стандарттары эмгек милдеттерин аткарууда, жарандар, уюмдар жана башка адамдар менен өз ара аракеттенүүдө кызматкерлердин жүрүм-турумунун негизги эрежелерин белгилейт.
Ар бир кызматкер Стандарттардын, Кыргыз Республикасынын мыйзамдарынын жана Социалдык фонддун ички ченемдик актыларынын талаптарын билүүгө жана сактоого милдеттүү.
__________________________________________________________________
- МЫЙЗАМДУУ ЖАНА ӨЗ ЫЙГАРЫМ УКУКТАРЫҢЫЗДЫН ЧЕГИНДЕ АРАКЕТ КЫЛЫҢЫЗ
Кызматтык милдеттерди аткарууда:
- Кыргыз Республикасынын мыйзамдарын жана Социалдык фонддун ички ченемдик актыларын сактаңыз;
- чечимдерди берилген ыйгарым укуктардын чегинде гана кабыл алыңыз;
- объективдүү, калыс жана ак ниеттүү аракет кылыңыз;
- кызматтык абалды жеке кызыкчылыкта же башка адамдардын кызыкчылыгында пайдаланууга жол бербеңиз.
Эсиңизде болсун: кызмат орду жана берилген ыйгарым укуктар эмгек милдеттерин аткаруу үчүн берилет, жеке маселелерди чечүү үчүн эмес.
__________________________________________________________________
- ЖАРАНДАРГА ЖАНА УЮМДАРГА БИРДЕЙ ЖАНА АДИЛ МАМИЛЕ КЫЛЫҢЫЗ
Жарандар жана уюмдар менен өз ара аракеттенүүдө:
- бардык арыз ээлерине бирдей мамиле кылыңыз;
- мамлекеттик кызмат көрсөтүүлөрдү алуу тартиби жөнүндө так жана ишенимдүү маалымат бериңиз;
- айрым адамдарга негизсиз артыкчылыктарды түзбөңүз;
- басмырлоого жол бербеңиз;
- белгиленген мөөнөттөрдү сактаңыз;
- жасалма административдик тоскоолдуктарды түзбөңүз;
- мыйзамдарда каралбаган документтерди жана маалыматтарды талап кылбаңыз.
Болбойт: тааныштарга, туугандарга же башка кызыкдар адамдарга маселени чечүүдө артыкчылык берүү же процедураны тездетүү.
__________________________________________________________________
- МАСЕЛЕЛЕРДИ ЧЕЧҮҮНҮН РАСМИЙ ЭМЕС ЫКМАЛАРЫНА ЖОЛ БЕРБЕҢИЗ
Кызматкерге төмөнкү жолдор менен маселени чечүүгө болот деген түшүнүк жаратууга тыюу салынат:
- жеке байланыштар аркылуу;
- акчалай сый акы үчүн;
- белек же башка пайда аркылуу;
- ортомчу аркылуу;
- расмий эмес макулдашуу жолу менен.
Ар кандай маселе мыйзамдарда белгиленген тартипте гана чечилиши керек.
__________________________________________________________________
- АКЧА, БЕЛЕК ЖАНА БАШКА ПАЙДАЛАРДЫ КАБЫЛ АЛБАҢЫЗ
Эмгек милдеттерин аткарууга же ээлеген кызмат ордуна байланыштуу төмөнкүлөрдү кабыл албаңыз:
- акча каражаттарын;
- белектерди;
- кызмат көрсөтүүлөрдү;
- арзандатууларды жана жеңилдиктерди;
- эс алууга, жашоого же транспорттук чыгымдарга төлөмдөрдү;
- башка мүлктүк же мүлктүк эмес пайдаларды.
Эгер сизге мыйзамсыз сый акы сунушталса — андан баш тартыңыз.
__________________________________________________________________
- ЭГЕР СИЗГЕ СЫЙ АКЫ СУНУШТАЛСА
Эгер жаран, уюмдун өкүлү же башка адам сизге белгилүү бир аракеттерди жасаганыңыз же жасабаганыңыз үчүн акча, белек, кызмат көрсөтүү же башка пайда сунуштаса:
- Сунуштан баш тартыңыз.
- Мыйзамсыз бүтүмдүн шарттарын талкуулабаңыз.
- Мүмкүнчүлүккө жараша кийинки териштирүүгө мааниси бар маалыматтарды жана материалдарды сактап калыңыз.
- Бул тууралуу түздөн-түз жетекчиңизге же коррупциянын алдын алуу маселелери боюнча ыйгарым укуктуу адамга токтоосуз билдирүү жөнөтүңүз.
- Кылмыштын белгилери болгон учурда Кыргыз Республикасынын мыйзамдарына ылайык аракет кылыңыз.
__________________________________________________________________
- КЫЗЫКЧЫЛЫКТАРДЫН КАГЫЛЫШЫ ЖӨНҮНДӨ ӨЗ УБАГЫНДА БИЛДИРИҢИЗ
Эгер жеке кызыкчылык кабыл алынуучу чечимдин объективдүүлүгүнө жана калыстыгына таасир этиши мүмкүн болгон жагдай келип чыкса:
- кызыкчылыктардын кагылышы келип чыккандыгы жөнүндө өз убагында билдирүү жөнөтүңүз;
- кызыкчылыктардын кагылышы жөнгө салынганга чейин тиешелүү чечимди кабыл алууга катышпаңыз;
- кызыкчылыктардын кагылышын болтурбоо жана жөнгө салуу боюнча белгиленген тартипке ылайык аракет кылыңыз.
Кырдаал кызыкчылыктардын кагылышы болуп саналабы деп күмөн санайсызбы? Аны жашырбаңыз — кеңеш алыңыз.
__________________________________________________________________
- КЫЗМАТТЫК МААЛЫМАТТЫ КОРГООҢУЗ
Документтер, маалыматтык системалар жана маалымат базалары менен иштөөдө:
- маалыматты кызматтык максаттарда жана берилген ыйгарым укуктардын чегинде гана пайдаланыңыз;
- персоналдык маалыматтарды жана кирүү мүмкүнчүлүгү чектелген маалыматтарды коргоо боюнча талаптарды сактаңыз;
- мыйзамдуу негиздерсиз кызматтык маалыматты башка адамдарга бербеңиз;
- сырсөздөрүңүздү, каттоо маалыматтарыңызды жана аутентификация каражаттарын башка адамдарга бербеңиз;
- маалыматты мыйзамсыз өзгөртүүгө, өчүрүүгө же жашырууга жол бербеңиз.
Эсиңизде болсун: маалыматтык системага кирүү мүмкүнчүлүгүнүн болушу андагы маалыматтарды каалаган максатта пайдаланууга укук бербейт.
__________________________________________________________________
- СОЦИАЛДЫК ФОНДДЫН МҮЛКҮН ЖАНА РЕСУРСТАРЫН МАКСАТЫ БОЮНЧА ПАЙДАЛАНЫҢЫЗ
Социалдык фонддун мүлкү, жабдуулары, транспорт каражаттары, байланыш каражаттары, компьютердик техникасы, программалык камсыздоосу, финансылык жана башка ресурстары өз багытына ылайык жана эмгек милдеттерин аткаруу үчүн пайдаланылууга тийиш.
Мыйзамдарда жана белгиленген эрежелерде каралбаган учурларда Социалдык фонддун ресурстарын жеке максаттарда же үчүнчү жактардын кызыкчылыгында пайдаланбаңыз.
__________________________________________________________________
- ЧЕЧИМ КАБЫЛ АЛУУДА ЖЕКЕ КЫЗЫКЧЫЛЫККА ЖОЛ БЕРБЕҢИЗ
Сиздин объективдүүлүгүңүзгө жана калыстыгыңызга негиздүү шек жарата турган жагдайлар болгон учурда чечимдерди кабыл албаңыз жана аларды даярдоого катышпаңыз.
Өзгөчө төмөнкү маселелерде көңүл буруу зарыл:
- пенсияларды дайындоодо, кайра эсептөөдө жана төлөөдө;
- камсыздандыруу стажын ырастоодо;
- камсыздандыруу төгүмдөрүн башкарууда;
- мамлекеттик кызмат көрсөтүүлөрдү берүүдө;
- кадрдык жол-жоболордо;
- мамлекеттик сатып алууларда;
- мүлктү тескөөдө;
- жеке кызыкчылык келип чыгышы мүмкүн болгон башка жол-жоболордо.
__________________________________________________________________
- КОРРУПЦИЯЛЫК ТОБОКЕЛДИКТЕРДИ ЖАНА БУЗУУЛАРДЫ ЖАШЫРБАҢЫЗ
Коррупциялык укук бузуулардын, коррупциялык тобокелдиктердин же мыйзамдардын жана Стандарттардын башка талаптарынын бузулушунун белгилери аныкталган учурда кырдаалга көңүл бурбай коюуга болбойт.
Бул тууралуу белгиленген тартипте жетекчиге же коррупциянын алдын алуу маселелери боюнча ыйгарым укуктуу адамга билдирүү жөнөтүңүз.
__________________________________________________________________
ЭГЕР КАНДАЙ АРАКЕТ КЫЛУУ КЕРЕКТИГИНЕ ИШЕНБЕСЕҢИЗ
Жөнөкөй алгоритмди колдонуңуз:
ТОКТОҢУЗ → КЫРДААЛДЫ БААЛАҢЫЗ → КЕҢЕШ АЛЫҢЫЗ → БЕЛГИЛЕНГЕН ТАРТИПТЕ АРАКЕТ КЫЛЫҢЫЗ
Өз ыйгарым укуктарыңыздын чегинен же белгиленген жол-жободон тышкары ыкма менен маселени өз алдынча «чечүүгө» аракет кылбаңыз.
Кеңеш алуу үчүн түздөн-түз жетекчиңизге же коррупциянын алдын алуу маселелери боюнча ыйгарым укуктуу адамга кайрылсаңыз болот.
__________________________________________________________________
АР БИР КЫЗМАТКЕР ЭМНЕНИ ЭСИНДЕ САКТАШЫ КЕРЕК
- Мыйзамдуулук.
- Объективдүүлүк.
- Бирдей мамиле.
- Калыстык.
- Ачыктык.
- Ак ниеттүүлүк.
- Жеке жоопкерчилик.
Коррупцияга каршы жүрүм-турум — бул мыйзамсыз сый акыдан баш тартуу менен гана чектелбейт.
Бул — белгиленген тартипти күн сайын сактоо, жарандарга объективдүү мамиле кылуу, Социалдык фонддун ыйгарым укуктарын жана ресурстарын жоопкерчилик менен пайдалануу жана коррупциялык тобокелдиктерге өз убагында чара көрүүгө даяр болуу.