Русский
Социалдык фонддун кызматкерлери борбордун тазалыгына салым кошту.
Бүгүн, 2025-жылдын 22-мартында Кыргыз Республикасынын Социалдык фондунун кызматкерлери Кыргыз Республикасынын Президентинин 2022-жылдын 6-сентябрындагы №305 “Улуттук тазалык күнү жана 2023-2025-жылдар мезгилинде тиричилик калдыктарды иштетүү боюнча натыйжалуу инфраструктураны түзүү боюнча иш-аракеттер планы жөнүндө” Жарлыгын ишке ашыруу максатында жана Бишкек шаарынын Мэриясынын муниципалдык администрациясынын 2025-жылдын 6-мартындагы №50-т тескемесинин, ошондой эле 2025-жылдын 12-мартындагы чыг.№01-16/484 катынын, Социалдык фонддун 2025-жылдын 13-мартындагы №11 “Аймактарды көрктөндүрүү, санитардык тазалоо, жашылдандыруу жана сугаруу боюнча эки айлык ишембиликтерди өткөрүү жөнүндө” буйругунун негизинде уюштурулган республикалык ишембиликке катышты.
Социалдык фонддун кызматкерлери ишембиликтин жүрүшүндө Бишкек шаарынын Чүй-Логвиненко көчөлөрүнүн кесилишиндеги аймакты, ал жакта жайгашкан сейил бакты тазалап, бак-дарактарга кам көрүп, борборубуз Бишкек шаарын көрктөндүрүүгө, санитардык тазалоого жана жашылдандырууга активдүү салым кошушту.
Өткөрүлгөн ишембилик борбор калаабыз Бишкектин тазалыгын камсыздоого гана жардам бербестен, команданын ичиндеги биримдикти бекемдөөгө да салым кошот.