Социалдык фонддун Борбордук аппаратында жарандык коргонуу боюнча лекция өттү.

Бүгүн Социалдык фонддун Борбордук аппаратында Кыргыз Республикасынын Өзгөчө кырдаалдар министрлигинин Биринчи май райондук бөлүмүнүн кызматкерлери жарандык коргонуу боюнча лекция өтүштү.

Иш-чарада өрт коопсуздугу, жер титирөө жана башка өзгөчө кырдаалдарда кандай чараларды көрүү керектиги талкууланды.
Лекциянын жүрүшүндө МЧС кызматкерлери өрттү туура өчүрүү боюнча практикалык көрсөтмө өткөрүштү. Бул катышуучуларга өзгөчө кырдаалдар учурунда туура аракет кылуу жолдорун жакшылап түшүнүүгө жардам берди. 🚒🔥

Мындай иш-чаралар кызматкерлердин өзгөчө кырдаалдарга даярдык деңгээлин жогорулатууга жана өзгөчө кырдаалдарда туура аракет кылуу көндүмдөрүн чыңдоого өбөлгө түзөт.