КР Социалдык фондуна 2026-жылдын I жарым жылдыгында 6 776 кайрылуу келип түштү

КР Социалдык фондуна 2026-жылдын I жарым жылдыгында 6 776 кайрылуу келип түштү

2026-жылдын январь-июнь айларында Кыргыз Республикасынын Социалдык фондунун Коомчулук менен иш алып баруу башкармалыгына жарандардан жалпы 6 776 кайрылуу келип түшкөн.

Анын ичинен кайрылуулардын түрлөрү төмөнкүдөй бөлүштүрүлдү:

• Жазуу жүзүндөгү кайрылуулар – 315;

• Оозеки кайрылуулар – 569;

• КР Соцфондунун жетекчилиги тарабынан кабыл алынгандар – 33 жаран;

• Стационардык «ишеним телефону» аркылуу – 2 954;

• Уюлдук «ишеним телефону» аркылуу – 1 460;

• «Пикир» порталы аркылуу – 40;

• «Биринчи радиодогу» «Биринчи кабылдама» берүүсү аркылуу – 9;

• «Түндүк» ведомстволор аралык өз ара аракеттенүү системасы аркылуу (маалымат алуу үчүн) – 1 396.

Жарандардын жазуу жүзүндөгү, электрондук жана оозеки кайрылууларында негизинен төмөнкүдөй маселелер көтөрүлгөн:

• Пенсиялардын өлчөмүн жогорулатуу жана индексациялоо;

• Мамлекеттик социалдык камсыздандыруу;

• Пенсияга болгон укуктарды аныктоо;

• Пенсияларды чектөө, туура эсептөө жана өз убагында төлөө;

• Пенсиянын өлчөмүн кайра эсептөө;

• Мамлекеттик топтоочу пенсиондук фонддун (МТПФ) каражаттарын чектөө жана төлөө тартиби;

• КР Соцфондунун ишмердүүлүгүнө тиешелүү башка маселелер.

Социалдык камсыздандыруу жана пенсиялык камсыздоо боюнча келип түшкөн бардык суроолорго өз убагында мамлекеттик жана расмий тилдерде жеткиликтүү жана толук жооптор берилүүдө.