РусскийКыргызстан менен Австриянын ортосундагы социалдык камсыздоо боюнча макулдашуунун долбоорун талкуулоонун жыйынтыгы.
2025-жылдын 11–14-ноябрында Вена шаарында Кыргыз Республикасынын Социалдык фондунун жана Австрия Республикасынын Эмгек, социалдык маселелер, саламаттыкты сактоо, кам көрүү жана керектөөчүлөрдүн укугун коргоо боюнча федералдык министрлигинин эксперттери социалдык камсыздоо жөнүндө Макулдашуунун долбоорун талкуулашты.
Жыйынтыктар:
Акыркы эки жыл ичинде тараптар Макулдашуунун концепциясын аныктап, алгачкы тексттери менен алмашкан.
Бул жолугушууда долбоордун ар бир беренелери каралып, мыйзамдардын өзгөчөлүктөрү эске алынды.
Талкуунун жүрүшүндө:
• долбоорго тактоочу түзөтүүлөр киргизилди;
• айрым жоболор мыйзамдардагы айырмачылыктарга байланыштуу алып салынды;
• материалдык колдонуу чөйрөсү такталды;
• эл аралык укукка ылайык эки өлкөнүн жарандарынын укуктарынын тең укуктуулугу жөнүндө жоболор такталды;
• камсыздандыруу пенсиялары жана мамлекеттин кепилдиктери боюнча түшүндүрмөлөр берилди.
Макулдашуу кандай укуктарды берет
Макулдашуу эки өлкөнүн жарандарына социалдык жана пенсиялык камсыздандыруу жаатында тең укуктарды камсыздоого багытталган.
• Ар бир өлкө пенсияны өз мыйзамдарына ылайык топтолгон камсыздандыруу стажына жараша дайындайт.
• Эгер стаж жетишсиз болсо, эки өлкөнүн стажын кошуу мүмкүнчүлүгү болгон — бул Макулдашуунун негизги максаты.
• Пенсиялар жарандардын жашаган жерине карабастан, түз төлөнөт.
• Камсыздандыруу төгүмдөрүн эки эселеп төлөөгө жол бербөө боюнча жоболор да макулдашылды, анын ичинде иш сапарга чыгуу жана иш сапарга чыгуу мөөнөттөрүн узартуу эрежелери бекитилди.
Кийинки кадамдар:
Тараптар бул документти ишке ашыруу боюнча Административдик макулдашуунун долбоорун сүйлөшүүлөрдүн экинчи раундунда кароону макулдашты.
Сүйлөшүүлөр конструктивдүү жана достук кырдаалда өттү.
